陳明憙打拳 有助唱激情歌
歌手陳明憙（Jocelyn）除了遺傳爸爸陳少琪的音樂才華外，亦有好動一面，熱愛運動的她為了鍛煉身體及Keep Fit，現已學了數月泰拳：「可能教練都就住我，知我唔係想練比賽，嗰時揀打拳係因為唔鍾意一個人做Gym，中學都係參加籃球隊或手球隊等團體運動，覺得做Gym一個人好易會悶或者想停，所以就搵一個比較刺激、可以對打同多啲變化嘅運動。」愛動畫及打機的她又笑言女仔識打拳保護自己都幾型。
Jocelyn謂現時打拳進度良好，但笑言筋骨仍有些緊，亦發現打拳可以幫助她較易表現激動一面，對唱歌有幫助：「打拳需要好快咁進入一個激動或要刺激自己嘅情緒，自己其實係一個好平靜嘅人，好難會突然爆，教練有時都話我可唔可以唔好咁斯文，要踢得大力啲，所以打拳練到狀態對唱歌都有用，可以控制情緒起伏，有時啲歌激動啲都可以好自然咁表現出嚟。」
