歌手杜德偉前晚出席於黑暗中獻唱的音樂會，曾揚言想再做爸爸的他，被問到造人進度？他笑說：「未報喜，今晚會黑暗中作樂，平時有少少燈。」同場的蘇永康透露日前掛10號風球，囝囝蘇展弘被嚇親：「我抱佢去窗邊感受吓打風，佢突然靜晒同定晒，5個月大嘅BB都感到恐懼。」而昨日參與同一主題音樂會的許廷鏗，自爆因唱得太High而離開座椅：「唱完之後就死喇，驚周圍摸會摸到隔籬嘅AGA（江海迦），好彩導演喺耳機叫我行去左邊三步。」
