阮兒船P識仔 曬燶咪咪
藝員阮兒在無綫劇集《超時空男臣》中因「大解放」以性感打扮「色誘」飾演太監的何廣沛，令人留下深刻印象。日前，她相約朋友開船河派對，換上泳衣大晒34C驕人上圍，並在甲板上擺出多個誘人甫士拍照，儼如專業模特兒。不過，阮兒不慎曬燶「咪咪」，她說：「今年係第一次遊船河，諗住『立秋』之後冇咁熱，點知最後曬到好黑，返屋企發覺皮膚有啲燶，仲敏感甩皮。（曬燶心口？）哈哈，有少少！」
情傷未愈 睇定啲
此外，樂壇校長譚詠麟早前於社交網上載飯局照，當中阮兒與藝人衛志豪幾乎大髀貼大髀，狀甚親密，因而傳緋聞。問衛志豪有否去船P？阮兒甜笑說：「冇，我哋係朋友咋！（追你？）有追我，但未一齊，了解吓先，之前嗰段感情太傷我心。」阮兒還搞笑地公開「招親」：「去船P就係想識多啲男仔朋友，我依家單身，歡迎大家追我，哈哈！」
文：專案組