黃浩然踢拖追女 枕香肩慶生

藝人黃浩然及岑麗香前晚拍攝無綫監製梁材遠新劇《果欄中的江湖大嫂》，適逢浩然8月25日42歲生日，劇組預備兩個蛋糕，並唱生日歌替他慶生。到正式拍攝時，浩然挨在香香肩上談情，畫面甜蜜，他之後更除拖鞋追香香，既搞笑又溫馨！

黃光亮送「肉嘴」

此外，浩然在社交網貼出與妻兒及劇組的慶生照，黃太低胸上陣，不經意流露性感，而黃光亮及林子善則向浩然送上「肉嘴」賀壽。壽星仔浩然說：「入咗TVB咁耐，都係第一次咁樣過生日，尋晚（25日凌晨）劇組推咗個生日蛋糕幫我慶祝，頭先有幾個鐘畀我同屋企人食飯，太太預備咗韓式燒烤，兩個仔畫畫送畀我，今年食咗4個蛋糕！生日願望係屋企人身體健康，大仔嚟緊升小一，希望佢適應冇問題，之前同佢哋去咗次旅行，之後我要開工，太太又帶啲仔去咗一次，希望聖誕再去。」

42歲生日的黃浩然獲劇組送上蛋糕，即席在街頭許願食Cake。	浩然與餅印囝囝及太太食飯慶生，大晒溫馨。	黃光亮向壽星仔送上「肉嘴」。

好老公等收工

而香香被問到對壽星仔有何表示時，她說：「尋晚唱咗生日歌！今次拍攝好開心，好多笑料，雖然頭先開完廠景再接外景，但唔算好辛苦。（開夜班，老公強強接你放工？）佢有送我返工，有時我收工夜咗，佢都會等埋我返屋企先休息，佢會做住自己嘢等我囉！」

文：影視組