黎耀祥頭脹作中暑

藝人黎耀祥昨日與陳山聰、林夏薇於烏蛟騰拍攝劇集《逆緣》，天氣又熱又焗，搞到祥仔大汗疊細汗，他坦言辛苦：「之前拍外景都試過少少頭暈，今日都頭脹脹，其實係中暑先兆，之後去樹蔭位抖抖，飲啲水先好啲。」說到有關方面在附近找到一具之前行山失蹤者的屍體，祥仔坦言到場時都見到好多警察、民安隊，他說：「有時真係預計唔到身體反應，行山、做運動都係想身體健康啫！要量力而為。」
黎耀祥與林夏薇在酷熱下拍外景。
黎耀祥與林夏薇在酷熱下拍外景。

做開運動的山聰則醒目帶定私伙涼茶解暑，他說：「我自己都有行山，真係唔好單獨去，同埋要喺有行山經驗嘅朋友陪同先得，起碼知道方向，唔會蕩失。」

黎耀祥與陳山聰一埋位就交足戲。
  • 黎耀祥與陳山聰一埋位就交足戲。