吳若希顧住頭家 Share一姐寶座

歌手吳若希（Jinny）昨日專程由澳門返港出席歌迷聚會，與近百粉絲及唱片公司高層何哲圖切蛋糕慶祝入行七年。以連身裙亮相的她上圍明顯縮水，由產前C奶打回原形降回B Cup！對於師妹菊梓喬及林頴彤先後加盟星夢，令其「星夢一姐」地位受威脅，Jinny說：「我哋無分彼此，大家都同級。」並表示將灌錄新歌。

有指菊梓喬的歌曲《久別重逢》有望成為今年「金曲金獎」，Jinny不忘讚對方：「有實力同受歡迎嘅歌係值得攞，佢首歌點擊好高。我依家唔只有事業，家庭都好重要。（約滿唔續約？）五年後再講。」

讚男友義載：好Proud of佢

提到澳門慘受颱風「吹」毀，現居澳門氹仔的Jinny表示未有被災情嚇怕：「冇乜大影響，只係停電停咗兩個鐘。（高級住宅？）唔係！普通住宅。」並透露未來老爺奶奶受停電停水影響：「佢哋住澳門嗰邊，冇水、冇電要過氹仔沖涼。」

澳門不少人自發做義工清理路面，Jinny透露有與男友Alex落街執樹葉：「好Proud of另一半！佢同佢隊足球隊啲人有義載。」問到有否想過搬返香港住？她坦承指香港生活指數高兼壓力大，待女兒長大後再作打算：「等女大啲先諗，香港樓好貴，唔係正常人買到。（你喺香港都有樓？）未供完！依家先開始供。」

吳若希返港參與歌迷聚會慶祝入行七年，連高層何哲圖都撐場。	菊梓喬獲吳若希力讚，還指地位無分彼此。	吳若希有「仔」有女，暗示不再只專注事業發展。

文：音樂組

攝：吳文聰