王君馨（Grace）去年與Daniel結束愛情長跑，於外地註冊結婚。講到與老公多年維持異地戀，她自爆險因而分手，但老公願意為她來港發展事業。Grace現在事業和家庭都幸福美滿，她甜笑說：「我覺得呢個時間係Perfect！」

Grace與拍拖11年的圈外男友Daniel終於拉埋天窗，對於這段多年的異地戀情終能開花結果，她稱二人有很多經歷都非常難忘：「最辛苦係唔知幾時可以喺埋一齊，唔喺埋一齊就要分手，呢個等待係好辛苦。佢之前叫我等多兩年，呢兩年我拍咗『花曼』同『汪海澄』比較辛苦少少嘅角色，要好多空間去揣摩同做準備工夫，佢唔喺身邊都係好事。如果嗰時結咗婚，可能仲辛苦。依家可以處理到工作同照顧家庭，我覺得呢個時間係Perfect！」

為了Grace可以繼續於娛樂圈工作，Daniel決定隻身來港發展事業，Grace感謝老公對她的支持：「我去美國有冇機會做咁多戲先？娛樂圈唔係容易可以Transfer得到，未必有咁好機會。我諗都係《城寨英雄》之後，佢屋企人見到我好辛苦，覺得佢係時候去香港照顧我，真係好多謝佢屋企人！」她坦言二人發展異地戀多年，想先過二人世界，未有生育計劃，又指老公百份百支持及信任她，未有與老公返美生活的打算。

提到於熱播劇集《超時空男臣》中分別飾演明朝太子妃郭倩及現代明星汪以珊，Grace坦言兩個角色的言行舉止及思維都不一樣，如要同日演繹兩角會有難度。由於是喜劇，加上蕭正楠及曹永廉等經常於片場大放笑彈，Grace笑言有一半拍攝時間都被他們搞到笑不攏嘴。談到難忘事，她稱除了要死記古裝劇的用詞外，更要首次吊威吔，還要吊上五層樓高的位置：「有一場係要望住地下升上天，嗰日係真反應，唔使扮驚。」

文：影視組

攝：張福宏

化妝：Phoebe Yung

髮型：Jamie Lee

服裝：margarin fingers（Runway Workshop）

鞋履：Louboutin

首飾：Dearest Grace