鍾鎮濤爆囡囡棄歌手夢
歌手鍾鎮濤（阿B）日前接受東網電視節目《娛樂onShow》主持俞詠文（Angela）訪問，提到剛剛推出了HiFi大碟《a better bee》，特別找來囡囡鍾懿合唱，阿B大讚囡囡甚有職業水準，但她對做歌手一事興趣不大。
阿B在新碟中重唱了多首首本名曲，他表示每首歌都是精挑細選，希望保留歌曲的神韻，再加上新意，而且今次是他重返入行首間唱片公司推出發燒碟，所以別具意義，阿B說：「今次喺廿首歌入面揀9首，唔同嘅係事隔多年，我加咗啲人生經驗去唱。其實想出呢隻碟好耐，但知道出一隻碟唔容易，要有好團隊，仲有大家互相配合。」
以學業為重
今次阿B和囡囡鍾懿再次合唱《閃閃星辰》這首作品，當中還加插了Freestyle的部分，和六年前比較，阿B大讚囡囡的唱功已達職業水準：「《閃閃星辰》係好有意義，嗰時佢唱得6歲左右，依家佢已經12歲，再唱有唔同感覺。」Angela提到鍾懿小時候表示一定會做歌手，更說16歲要開演唱會，阿B笑言：「有冇聽過女大十八變，佢依家嘅諗法已經改變，但仍然鍾意聽歌。以前唱歌係獎勵，讀書讀得好可以同我上台唱，但佢依家覺得，爸爸你想唱我就陪你唱。不過到時先算，都係嗰句，以學業為重！」想知阿B是否贊成囡囡入娛樂圈？即刻Click入東網巨星睇《娛樂onShow》啦！
場地：港島海逸君綽酒店Le188餐廳及酒廊
https://goo.gl/svJo5n
化妝：ninayeh
文：專案組