Magic Gals夜場偷拍怕尋仇

Magic Gals於網台節目帶觀眾四圍蒲，成員Mizer自爆很回味男同性戀派對：「見到好多大隻男，我忍唔住過去摸佢哋！」不過去女同性戀酒吧則有點害怕，她說：「我見過Tomboy，但未見過30幾個Tomboy，佢哋望住我啲眼神係怪怪咁！」節目標榜她們連惡心變態的事物都夠膽試，Icy就透露最近試食了日本的「天國與地獄」糖，要放入口才知道是甚麼味道，Mizer說：「初頭諗住粉紅色冇死，點知原來係好重嘅芥辣味，想吐出嚟！」

心思思再「尋寶」

Icy早前更撇下隊友去夜店，偷偷把鏡頭藏在身後：「拍到啲韓仔一字排開，我交咗畀台，但佢哋話有危險性，因為夜場可能有社團人士，又唔知自己合唔合法。我哋諗緊點樣播，因為太有爭議性，依家我仲承認咗，會唔會畀人尋仇？」她自言沒留下聯絡方法，卻立即被Mizer踢爆與其中一個靚仔交換電話，問到可有試服務？Icy說：「朋友嗌嘅，個男仔坐喺我同另一個女仔中間。（有冇帶走？）冇。（即場搞掂？）冇，最主要都係畀大家睇到更多韓仔喺香港工作嘅一面。我啲朋友問可唔可以法式濕吻，我話『唔係啩，好似蝕底嗰個係我！』」而Mizer看過Icy傳來的照片，大讚韓仔質素高。Icy表示部分韓仔有學唱歌準備做藝人，又會用普通話跟客人溝通和玩樂，問到是否想再去？她笑說：「要隔一陣，因為過一排會有新嘅男仔！」

Icy（左）同Mizer乜都敢玩，乜都敢試！	Magic Gals帶觀眾四圍蒲，連同性戀派對都勇於挑戰。	Icy似乎蒲上癮，揚言等新仔登場就再次出動！

遇愛情玩家

音樂方面，Mizer剛推出關於單身的新歌《Somebody》，她說：「唔係傷感嘅，係畀人飛完好開心，因為終於可以搵第二個。」並透露幾年前遇上愛情玩家，拍拖半年就被飛：「佢好認真，不過係對住5個人好認真，未必同一時間，不過一個完咗即刻又有。之後仲發現佢同每一個女仔分手都係送同一樣禮物，佢覺得對人唔住就送禮物！」

文：音樂組

攝：劉智源