古天樂苦練擺腳上頭

由影星古天樂、林家棟及陳漢娜等主演的新片《殺破狼．貪狼》前晚在九龍灣舉行首映禮，獲薛凱琪、黃柏高（Paco）及劉浩龍等撐場。動作導演洪金寶大讚古仔戲中的表現，笑他是「2018武打新星」，古仔笑說：「嚟緊幾部戲都要打！（打到驚咗？）都有一定危險，但唔驚，會小心拍，最近我都拉筋，成個人柔軟咗，目標係將隻腳放上頭！」家棟則笑言：「我接呢套戲嘅條件就係唔好叫我打，假如又打又泰文又染髮，對我都唔少挑戰。」他又大讚陳漢娜表現穩定：「有一場對手戲佢係瞓喺度，暈咗唔郁，真係好穩定。」