可宜蒜不離口中式創意夠彈牙
東網巨星節目《星級煮意》邀得前有線主播兼司儀可宜（Natalie）擔任嘉賓，親自炮製一味「蒜香橄欖油意粉」，以中式粉麵過冷河的做法處理意粉，她大讚這道菜方便得來又夠惹味，更自爆無「蒜」不歡！
Natalie為「百鶴年橄欖油特約」《星級煮意》下廚炮製煮法簡單的「蒜香橄欖油意粉」，她認為橄欖油配蒜頭更顯香口，而且橄欖油較為健康，所以是一款超方便又有益的菜式。Natalie自爆無「蒜」不歡，家常小菜都離不開蒜頭：「我媽咪好鍾意用生蒜，食餃子都會加生蒜，我真係超鍾意食，不過如果第二日要工作，夜晚就唔會食，驚有口氣。」
煮得耐口感差
在英國讀大學時，Natalie自己照顧自己，會經常下廚，而在眾多食物中，Natalie尤其喜歡煮意粉，累積不少經驗，她指若想意粉彈牙，最重要的步驟是過冷河，她大方分享其他「小貼士」：「煮意粉好似好快熟，但其實時間掌握好緊要，過熟嘅話會好腍，意粉過完冷河要好快同調味料撈埋一齊，咁樣個口感最正！」Natalie指賣相好重要，上碟時會用叉捲起意粉，令意粉不致太散亂冇美感，再用辣椒伴碟，色、香、味俱全！
藍帶廚模蔣怡（Coco）接受《星級煮意》主持Sara訪問，指Natalie將意粉過冷河的做法很特別，似中式粉麵的做法，她指意大利人煮意粉有第二種方法：「就係所謂『al dente』（麵條口感），佢哋用時間去控制嘅，煮麵嘅包裝上面話幾多分鐘，咁你可能煮少兩分鐘，就會令到佢嘅口感好彈牙o架啦！」
《星級煮意》先後有十多位藝人、紅人亮相，包括陶大宇、黃建東、杜汶澤、陳嘉桓及朱慧敏等，其他藝人紅人陸續接力登場，示範不同菜式，又有廚藝專家提供煮食要訣，娛樂與資訊並重，節目逢星期四更新，大家可透過東網App、東網網頁收看及重溫。
文：專案組
網址：https://goo.gl/u4F6d6