郭子健「貪玩」要余文樂大隻過彭于晏
導演郭子健為英皇電影《悟空傳》執導，找來香港、台灣兩大型男余文樂與彭于晏合作，郭子健笑言樂仔接下電影的同時，亦接受了他所定下的任務目標：「我同樂仔講佢一定要健身，目標係大隻過彭于晏！因為大家都知彭于晏係大隻嘅，如果余文樂可以大隻過佢就好好玩！估唔到樂仔即時答應，大家都見到佢個成果，係正嘅！」
講到繼《西遊．降魔篇》再次執導西遊題材，郭子健直言對猴子有情意結：「猴子對我而言係一個命題，係代表反叛，依家嘅後生仔有好多理想，對成人世界嘅制度亦有不服氣。（所以你個性都係反叛？）自己就唔係反叛，所以更想滿足呢個欲望，用電影去講出嚟。」他一邊廂追求自由與理想，另一邊廂卻想玩「制服誘惑」，他笑說：「嚟緊想拍飛虎隊，一直都有呢個想法，因為制服係代表住力量及責任，而且係一個好代表香港嘅題材。」
場地：Mustard Seed
