港姐前哨戰大熱伍樂怡拔頭籌連奪兩獎

無綫《2017香港小姐競選》十位候選佳麗昨日在銅鑼灣出席活動，更齊齊進行賽前熱身，選出「美麗觸角大獎」、「我最喜愛佳麗」和「最佳KOL大獎」這三個獎項。

而在這個「前哨戰」中，一直被視為大熱的(8)伍樂怡（Kelly）就憑其活潑表現先拔頭籌，包攬「我最喜愛佳麗」和「最佳KOL大獎」，而(1)何依婷（Regina）亦唔執輸，奪得「美麗觸角大獎」。

獲師姐教路有把握

訪問時，連奪兩獎的Kelly自言得到師姐陳凱琳「真傳」，表現比以前更放：「應該係終於將壓力化做動力，之前同陳凱琳單對單對話，佢分享咗啲心得畀我，依家有把握咗。」她自言在談吐方面可以再進一步，希望保持這個狀態，在決賽繼續發揮。

學霸何依婷冇人追

而Regina認為是因清楚自己優點而獲獎：「我笑容甜！（仲有冇其他？）對眼好精靈！」又笑指小時候已經很貪靚。問讀書時是否多人追，她否認：「嗰時專心讀書，啲同學都叫我學霸。（嚇走晒o的男仔？）希望唔會。（睇唔上讀書差？）人品好就夠。」

十位候選佳麗出席「前哨戰」活動，為競選熱身。

李清心自謙未有收兵的福分。

至於空手而回的(2)李清心（Katarina）亦自爆兒時貪靚到偷用媽媽的化妝品。問到何時開始自覺是靚女，她笑說：「發現有人稱讚已經係中學時。」又指最多試過同時有兩個男仔追：「但冇一齊，唔係個個追你都要一齊嘛。（收佢哋做兵？）未有呢個福分。」

文：影視組