Celine殺入準決賽莎蓮會為我驕傲！
憑《全美一叮》爆紅的「小巨肺」譚芷昀 （Celine），前日在半準決賽雖然被評判批評揀錯歌，但無阻觀眾對她的支持，昨日節目宣布她成功從36人中脫穎而出，殺入22強準決賽，成為首位晉級準決賽兼年紀最小的香港人。
年僅9歲的「香港小巨肺」譚芷昀前日早上出戰美國才藝真人騷《全美一叮》（America's Got Talent，AGT）半準決賽，並以天后瑪莉亞卡里（Mariah Carey）與已故天后雲妮侯斯頓（Whitney Houston）合唱的《When You Believe》上場，雖然被評判Mel B批評揀錯歌，但昨晨節目公布由美國觀眾網上公投的賽果，結果Celine不負眾望成功晉級，躋身下月舉行的準決賽，將與10歲「小Whitney Houston」Angelica Hale及12歲人氣腹語少女Darci Lynne交手！
蕭定一爭取揀歌自主權
節目上，當主持Tyra Banks宣布Celine入圍時，她開心到即刻雙手掩面，被問到覺得偶像莎蓮迪安（Celine Dion）對她晉級會有何看法時，Celine說：「我覺得佢會為我感到驕傲！」而一向支持Celine的評判Heidi Klum亦說：「我就知道你今次一定得，9歲已經嚟到呢一步！等我講多樣嘢你知，你可以繼續揀啲難唱嘅歌！」似乎暗寸Mel B指Celine揀錯歌一事！而每當Mel B被鏡頭影到時，都是擰歪面，只是側眼望過Celine一眼，似是對結果不太滿意。
Celine事後透過社交網拍片直播答謝粉絲，除了表示開心，亦謂知道自己要進步，希望大家繼續支持她，而今次在美國跟一眾參賽者成為朋友，故覺得已贏了友誼。Celine的經理人蕭定一接受記者訪問時，替她晉級感開心，並讚她是首位晉級準決賽兼年紀最小的香港人。講到網民對Celine的參賽歌及衣着有意見，他說：「希望大家明白呢啲係監製選擇，我哋冇得話事，但去到準決賽之後，希望有番啲揀歌同衫嘅自由，會盡力爭取。」
如再贏直入決賽
包括Celine在內的22位入圍參賽者，將分別在美國時間9月5日及13日參加準決賽，以爭取決賽的10強席位，暫時未定Celine會於哪日出場，但她只要過多一關就可站上決賽舞台，如果贏得冠軍，將獲得約780萬港元獎金及在拉斯維加斯表演的機會。另外，雖然Celine晉級是可喜可賀，但有「口痕」網友竟重提其父譚順生（Dr. Steve）被指搶走薛家燕學生一事，該網友用英文留言：「畀佢老竇搶學生嗰位藝人，亦係Celine嘅歌唱導師，而佢只係利用Celine去令自己間歌唱學校出名。」
文：音樂組