女星舒淇與丈夫馮德倫昨晚於九龍塘溜冰場出席《俠盜聯盟》首映，兩人以「黑白配」現身，相當合襯。接受司儀訪問時，馮德倫被問到何解在布拉格取景，他說：「歐洲好多地方都拍過電影，布拉格相對比較少，嗰度嘅古堡好迷人。」舒淇於片中飾演非常聰明的女性，問事前有否跟馮德倫商量拍攝細節？她說：「唔使，劇本經已好好，只需畫龍點睛，演好角色就得。（邊場戲最具挑戰性？）有一場喺懸崖邊拍嘅直升機戲，真係好驚險，亦因為咁我哋冇上去（指登上直升機）。」至於今次拍戲與以往有何分別？舒淇說：「最大分別係一開始拍，大家已經好似屋企人，唔需要培養感情。」

今次是馮德倫與舒淇首度在港以夫妻檔現身活動，問兩人會否不習慣？兩人明顯不想多談，舒淇說：「都係做嘢啫！」至於將來會否考慮合作拍廣告？她即說：「唔會！唔需要！（一齊做演員？）盡可能都唔好。」看來兩公婆再合作的機會微乎其微。

另外，藝人王敏德與太太馬詩慧、熊黛林及廖碧兒等前來捧首映場，王敏德講到女兒王曼喜頻在社交網站晒水着，更有一張相被指走光，馬詩慧即否認，並指只是影子，至於女兒Po相前有否跟她說，馬詩慧說：「唔使同我講啦，都咁大個。」王敏德則說：「我都有Follow佢，有睇到（張相）。佢哋知道底線嘅，我都接受咗，冇辦法啦！」

文：影視組