兒子蹲舉硬舉再破紀錄 翁嘉穗：係最好嘅獎勵！
前港姐冠軍翁嘉穗的長子、現年16歲的鄔謨雲（Jason）是舉重界新星，今年4月曾打破三項香港健力舉重紀錄，一舉成名。Jason昨日再下一城，參加香港舉重健力總會舉辦的亞洲國際健力及臥舉博覽錦標賽的三項賽事，在蹲舉與硬舉中，分別以215公斤及225.5公斤打破亞洲青少年組蹲舉及硬舉紀錄，十分威水！在現場直擊的翁嘉穗即時把Jason打破紀錄的片段及喜訊放上社交網分享喜悅。
重點培訓
翁嘉穗昨日在電話中受訪時坦言為兒子感到開心，是否覺得Jason苦盡甘來？她說：「唔可以話辛苦，因為係佢鍾意嘅嘢，佢訓練得好開心，有咁好嘅成績係最好嘅獎勵，佢受訓時真係好自律。（點慶祝？）今晚會食飯慶祝，佢到時可以開懷咁食，唔使節食咁辛苦。（佢舉重成績咁好，會唔會多咗女仔埋身？）係有啲女仔朋友，不過佢話冇拍拖。」翁嘉穗透露舉重健力總會希望Jason可以推廣該運動，故他成為重點訓練對象，兒子亦希望有機會參與世界賽事。她說兒子快將升讀大學，坦言體育成績佳有助Jason入讀大學。
文：名人組