Tommy@E-Kids被彈唔知唱乜 拒為歌詞改曲
「MK Pop始祖」E-Kids相隔14年再出新歌《一二三四》，前晚MV推出一夜之間瀏覽組合的官方專頁逾21萬，MV點擊超過57,000次。但有網民狂轟MV鏡頭不停360度轉，睇到頭暈兼作嘔，並質疑六位數製作費用在何處。
成員Tommy昨日在電話中表示：「鏡頭不停轉係刻意嘅，想營造電子迷幻感覺。」他逐一細數製作費高昂在於封街、LED燈、道具及服裝：「最重要係研發咗部機器拍攝，香港拍快歌MV係掟錢落海。」而被批評「唔知Tommy唱乜」，負責作曲的他解釋：「有啲詞係夾硬塞落曲度Rap嘅，唔想為咗就廣東歌詞而改我作嘅任何一粒音，我有我堅持！」