吳業坤遮Pat曬鵰

歌手吳業坤與鄭世豪昨日出席新城訪問，坤坤提到前日出海拍戲，曬肉背曬足九小時，膚色明顯曬黑的他說：「拍《誇世代》煞科戲，劇情講我流落荒島。蒲台島其實好靚，但尋日海面布滿垃圾，拍完頸背皮膚敏感。」又形容置身垃圾海：「喺水入面收緊我身上所有嘅窿。」問是哪幾個窿？他說：「七孔囉，有個窿有底褲包住嘅！」談到他上載以毛巾遮下身的肉背照，網民跪求正面照，坤坤回應話中有味：「下年啦，等我操勁啲先，有得操(口架)！」世豪即表示要向對方請教，坤坤笑說：「我講係練大隻……個肚腩。（會晒鵰？）當年叱咤頒獎禮，已經令大家震撼啦，依家冇人敢同我一齊去廁所！」