被睇好接張家輝棒張繼聰千萬加盟「啱數」！
歌手張繼聰（Louis）昨日出席加盟hmv數碼中國集團記者會，獲影帝張家輝、黃子華、佘詩曼等拍片祝賀，身為公司老闆的蕭定一則送鍍金啞鈴。蕭定一表示一直有留意Louis，睇好對方是影帝張家輝的接班人！Louis師弟鄒文正亦宣布簽約hmv數碼中國集團。對於被傳以千萬簽約蕭定一？Louis大方承認：「啱數嘅，係我咁多年簽嘅合約最豐厚（價錢）！其實錢唔係重點，夾唔夾同方向有冇共識先最緊要。（簽三年？）三年後可以再續約。」
近年影視兩忙的Louis直認財政交老婆謝安琪（Kay）管理：「理財得好好，我就負責專心搵錢。（傳你兩公婆一齊簽蕭定一？）傳聞啫！太太依家暫時無意工作。」主力向電影發展的他又坦言影帝寶座仍很遙遠。
另外，Louis昨午上載孭住寶貝女張靖及大仔張瞻的照片，父子齊齊扮張靖「啜手指」，並留言多謝太太：「感謝幫我哋影呢張相嘅小姐，I Love her。」