沙律唔怕男友嗒巨胸翠如

藝人張沛樂（沙律）與邱美薇前晚出席電影首映，沙律被問為何不與男友林耀聲拍拖睇戲？她說：「佢要做嘢，拍緊戲。（擔心男友同『巨胸翠如』鄧月平拍戲？）唔關身材事，佢愛我嘅話，冇人阻到我哋，唔擔心！（佢哋會拍親熱戲？）佢向我申報咗，雖然平時佢冇乜嘢講，但會講同邊個拍戲，同邊個做一對！」問到會否協助男友綵排親熱戲？她說：「唔會呀，佢好專業，一Roll機就變成另一個人。（接受男友拍親熱場面？）其實知佢同其他女仔拍親熱戲已經唔開心，但如果我同男仔拍親熱戲，佢都應該要尊重同體諒我。因此佢拍呢類戲，我都要尊重同體諒佢。」