陳茵媺出山拍戲 湊仔攰過開工
藝人陳茵媺復出拍攝電影，與老公夾時間開工，輪流湊仔女，並坦言湊小朋友攰過開工！28歲的湯怡則自爆奪去19歲「小鮮肉」原島大地的初吻，笑言會封利是給對方！
由湯怡與原島大地擔正的英皇新片《日月星》昨日於清水灣一間學校拍攝，近年專心照顧仔女的陳茵媺（Aimee）終於復出，參演電影中老師一角。
Aimee指上次拍戲已是兩年前，今次復工坦言起初不習慣，又笑言三個仔女都想跟她返工！她透露老公陳豪已拍畢無綫劇集《誇世代》，可以照顧小朋友，讓她放心拍戲，問拍畢此片會否再休息？她說：「唔會，一路都傾緊工作，我都想拍呀！好耐冇拍！（同老公夾時間拍戲？）要夾嘅！（佢湊到？）我諗佢Enjoy，湊小朋友仲攰，我都等咗好耐啦！」Aimee努力瘦身，一星期做四、五次運動，又改變飲食習慣，認為健康比磅數重要。
湯怡奪原島大地初吻
而28歲的湯怡夥拍19歲的原島大地合演學生情侶，湯怡笑指沒想到仍有機會演學生，穿上校服仍呃到人。問到與原島會否有親熱戲？湯怡笑說：「少少啦！有咀嘅，但輕輕嘅！」原島大地笑指今次是其螢幕初吻，湯怡即笑說：「好鮮呀！仲攞埋佢螢幕初吻，放心，我會封番封利是畀你！」
文：影視組