藝人何廣沛昨日與近50名粉絲一齊慶生，玩遊戲時更有幸運粉絲獲他「壁咚」後面都紅晒。他表示8月3日生日當天要開工，今次生日會屬入行以來最大型的一個：「愈來愈多粉絲，希望下次有100人嚟！」亦有來自上海和長沙的粉絲參與，令他很感動。問收到甚麼禮物？他笑指禮物多到兩隻手抽唔晒：「所以想粉絲捐錢代替送禮。媽媽話我出親活動收咁多禮物，叫我租迷你倉，屋企唔係大。（換大屋？）呢個比較長遠，希望今年買咗車先。」
