菊梓喬賣口乖 讚許廷鏗靚仔
歌手許廷鏗（Alfred）和菊梓喬（Hana）昨日出席商場活動，即場炮製漢堡包，並與歌迷玩遊戲。Alfred表示有計劃在街頭玩Busking：「可以同歌迷近距離啲，都想試吓唱其他歌手嘅歌，睇吓可唔可以唱到有種許廷鏗歌嘅感覺。」轉了新公司後，再與前公司師妹Hana同台，Hana仍叫他做大師兄，Alfred笑言：「叫到老晒！」Hana則賣口乖說：「冇咁嘅事，佢青春無敵又靚仔，唱歌又好聽！」Hana續透露與王浩信合唱新劇《溏心風暴3》的片尾曲，日前已入錄音室：「因為嗰日都係分開錄，所以到時如果有機會一齊同台唱都會緊張。」
