陳浩民恨返娘家拍劇

藝人陳浩民、戴蘊慧、戴辛尉、張崇基和張崇德等，前晚為無綫節目《流行經典50年》任錄影嘉賓。難得回娘家的浩民更帶同老婆及三個仔女現身，三位小朋友相當活潑，如甩繩馬騮在錄影廠外走來走去，連曾扮演孫悟空的「猴王」陳浩民亦投晒降。他受訪時笑說：「無綫係我娘家，諗番起每個角落都有唔少手毛腳毛，別有一番滋味。（返嚟拍劇？）我好想，等佢哋一聲召喚就返嚟。」
陳浩民面對三個紮紮跳的仔女都投晒降。
陳浩民面對三個紮紮跳的仔女都投晒降。

而戴蘊慧與戴辛尉兩姊妹原來首次同台獻唱，問到會否一齊出碟？戴蘊慧說：「隨緣啦，玩票性質先，畢竟離開咗呢行咁耐，玩吓感覺好啲。」戴辛尉則說：「未有計劃，但都唔抗拒。」

戴蘊慧（左）與戴辛尉首次同台獻唱。
  • 戴蘊慧（左）與戴辛尉首次同台獻唱。