MC Jin唔做評判 從零開始學國語
饒舌歌手歐陽靖（MC Jin）在新一集《中國有嘻哈》脫下「Hip Hop Man」面具以真身示人，即獲參賽者激動跪拜！雖然評判吳亦凡指他絕對有資格坐上評判席，但MC Jin自覺在內地知名度不足，寧願放下身段從普通話拼音學起參賽。
內地節目《中國有嘻哈》自播出以來成為熱話，當中最矚目莫過於神秘人「Hip Hop Man」的身份，雖然大家都猜測是MC Jin，但他卻一直未有承認。昨晚播出的新一集，Hip Hop Man成功加入吳亦凡戰隊，並除下面具！其他參賽者看到MC Jin後非常激動，做出跪拜動作，MC Jin說：「看到他們的反應讓我很感動，我要真正做《中國有嘻哈》的一分子，真的要努力！」
MC Jin日前接受本報訪問時透露，劇組起初邀請他任評判，但他想推廣中國的Hip Hop文化發展及挑戰自己，故選擇參賽，更沒有想過因而爆紅。問到為何戴上面具？他自言從零開始：「將身份放低，面具後係邊個根本唔重要，無論咩語言都好，最重要係代表所有熱愛Hip Hop嘅人！」近月才開始學普通話的他，特別找來中文老師從拼音學起。
有火花先多人睇
提到早前MC HotDog與潘瑋柏批評他Rap的時候太多英文，MC Jin力撐對方無意攻擊，只是節目剪接效果：「我都認同要有多啲中文，好Unfortunately社會同呢個世界就係愈有火愈多人睇！Hip Hop係外國文化，但喺呢個平台上少啲英文係合理。」提到吳亦凡指Hip Hop Man絕對可以取代評判位置，他坦言就算脫掉面具，在內地都未必有人識。
5歲囝囝都識Rap
談到近日有港迷瘋傳他多年前的Battle片段，他直言感驕傲：「因為自己嘅根喺香港！（返港發展？）目標唔係話要點發展，單純係為Hip Hop！」此外，他在節目中透露囝囝「小老闆」歐陽健平時都稱呼他為「Hip Hop Man」，故以此外號出戰。問到可有跟5歲的囝囝一齊Rap？他說：「梗係有啦，佢都幾Hip Hop！」
文：音樂組
攝：黎志輝
場地：都會海逸酒店