要馬國明等到50歲 黃心穎7年後生B：佢體力好好
無綫藝人黃心穎、朱千雪及陳敏之等昨日到科學園出席big big channel親子活動，心穎表示經常參與兒童活動，自誇深受小朋友歡迎：「同男仔玩我會千依百順，當自己係個小朋友嘅女友咁！我覺得湊小朋友幾辛苦，所以要諗清楚，但一定要生，唔想太老，想同佢多啲一齊玩，希望35歲前，即係7年後！」不過緋聞男友馬國明7年後將50歲，心穎被笑不顧對方感受，她即笑說：「到要考慮嘅時候先考慮啦！佢仲好Fit，體力仲好好吖！（覺得佢係咪好爸爸？）相信係，佢對屋企人咁好，會將家庭放第一位。」
朱千雪望再做串星
而敏之分享與七個月大囝囝的生活趣事，笑言湊仔感覺似初戀，每日都要錫錫及幫他沖涼。至於穿露肩裝的朱千雪透露下月開學，今個月放暑假都忙於工作，暫時未有時間再拍劇，看看是否再有客串機會。
另外，陳展鵬緋聞女友單文柔以兒童節目主持身份到場，講到前輩鮑起靜不慎爆料指展鵬在她面前承認其女友身份，單文柔與展鵬一樣解釋是誤會，問何時認愛？她說：「想將感情低調，對人要了解、相處，再培養深感情，但有傳媒壓力好似Skip咗呢啲步驟。」
文：影視組