鄧穎芝大力妹拿手3分波

愛好運動的歌手鄧穎芝（Vangie），既玩健身，又愛跑步，更是圈中女子籃球好手。由中一開始，Vangie就愛上打籃球，曾是校隊代表，因為她3分球命中率很高，有「女版咖喱仔」稱號，Vangie形容這是苦練的成果：「女仔嚟講我算大力，所以讀中一開始已經集中訓練射3分波，依家咁準都係當年苦練得嚟。」Vangie曾在一場比賽中，個人獨取20幾分，大部分都是外圍投射。
鄧穎芝熱愛打籃球，外圍投射最出位。
鄧穎芝熱愛打籃球，外圍投射最出位。

熱愛籃球的Vangie有意自組籃球隊，不過始終要兼顧工作，難以實行，她說：「唔係成立咗自己球隊就得，都要畀時間練波，但依家真係比較難，希望將來有機會圓夢，依家有時間跟班男仔打混合賽都幾開心。」Vangie坦言打波少不免撞傷、扭傷，她在身上也留下不少傷痕，最傷一次是新年期間，左右兩腳同時扭傷，要一拐一拐去拜年，畀媽咪鬧到癲，至今依然難忘。

鄧穎芝充滿運動細胞。
  • 鄧穎芝充滿運動細胞。
除了打籃球外，鄧穎芝亦十分喜歡戶外活動。
  • 除了打籃球外，鄧穎芝亦十分喜歡戶外活動。