莊思明Choker襯衫顯型格

莊思明愛扮靚，Choker（短頸鏈）絕對是她不可缺少的飾物，擁有大量收藏品的她大談「心頭好」：「其實我細細個就好鍾意Choker，不過嗰時冇咁多款式，而且以膠製居多，點知近幾年又好似興番咁！我覺得Choker較頸鏈容易襯衫，我仲試過用嚟襯晚裝添，戴咗感覺係另一種味道，型格啲。就咁睇啲Choker細細條，但戴一條整體配襯已經好足夠，唔使再襯其他飾物畫蛇添足。」
莊思明愛收藏Choker，唔知男友楊明有冇幫眼揀？
莊思明愛收藏Choker，唔知男友楊明有冇幫眼揀？

思明大派配搭貼士，表示不是穿露肩裝或一字膊襯衫才可配襯Choker：「我試過着Tee都照戴，其實只要襯啱Size同顏色就好靚。」又透露最近會在網上及出埠旅行時搜購心頭好：「以前就會買多啲深色，好似黑色咁，覺得比較易襯啲，但依家已經發展到專登搵啲鑽石造嘅，又或者五顏六色，覺得不論着乜色嘅衫，都總有一條襯到嘛！」

思明收藏品豐富，着咩衫都好易襯。
  • 思明收藏品豐富，着咩衫都好易襯。