樣子變索 鼻直又高蕊蕊：打鼻影重手咗！
藝人陳蕊蕊、周家蔚、李思捷、前亞姐羅霖、王錦睿、導演錢國偉等前晚出席「環亞美神大賽（香港）2017」總決賽暨慈善晚宴。冠軍最後由沈祉彤奪得，亞軍是劉嘉儀，季軍則是陳麗楠。
蕊蕊前晚悉心打扮亮相，五官標致超索，細看之下發現她樣貌有點不同，鼻子像變得又高又直，問到她似乎愈來愈靚？蕊蕊笑說：「係咩？係咪因為我曬黑咗，可能因為化妝鼻影打得重手咗，同埋近排成日練水，比之前Fit咗瘦咗啫，着住長袖衫、長褲游水都曬黑。（有冇諗過用『面堅尼』？）真係有咁嘅衝動。」
何紫綸自嘲「飛機場」
活動創辦人王錦睿以低胸大露背裝性感亮相，曾參選亞姐的她表示今次創辦比賽特別注重公平、公正及佳麗的內在美：「會有多啲問答、泳裝環節畀佳麗發揮。」儀態顧問何紫綸自言教授佳麗儀態時，很後悔當年冇參選香港小姐，她笑說：「以前因為驚要上台着泳衣，自己身材咁平，好似飛機降落咁，依家先知選美亦都講美貌、智慧同埋急才。」
周家蔚唔信阿佘拍拖
擔任評審的周家蔚則勾起當年選美、在泳裝環節驚到發台瘟的回憶。講到有傳好姊妹佘詩曼秘密拍拖一年，周家蔚並不相信：「係咪真o架！真係冇聽佢講過，係咪只係寫咋，以我所知就應該唔係，如果係嘅話我冇理由唔知，我唔識講大話，真係冇聽過。（心急阿佘拍拖？）當然心急，但係佢咁忙，有時間先得o架！」
文：影視組