諸葛紫岐想簽王浩信銀碼任填

Marie與王浩信昨日以全白色打扮現身嬰兒用品展活動，剛與囝囝從美國、加拿大旅遊返港的Marie透露老公薛嘉麟也有在中途會合他們玩幾天。

對於薛世恒進軍娛樂圈，身為弟婦的Marie表示不知情，問到可覺得走漏眼？她笑指反認為對近期人氣急升的王浩信走漏眼，她說：「佢之前係簽老公間公司嘛！希望大家再有機會合作啦！（再簽約？）希望有機會。（畀咩條件？）佢自己開。（開空白支票？）等佢自己寫銀碼。（頭先有冇趁機會傾吓？）佢有問薛生呢排點，都有掛住，我呢排都有捧場佢套《踩過界》，做得好好。」

感激帶進娛圈

王浩信對於Marie笠高帽表示高興，並感謝薛家把他帶進娛樂圈，笑指現時雙方絕對有空間傾合作。談到Marie夫婦分別擁有不同娛樂公司，他會與哪位合作？王浩信不諱言要先了解，對於Marie願意開空白支票任他填寫銀碼，王浩信笑說：「佢都係講笑啫！畀我都唔敢亂填，其實真係要了解唔同公司嘅性質先，雙方又想點樣嘅合作模式。」

已多年沒有出唱片的他，被問到可有計劃再推出？他說：「暫時未有，難得有咁多工作機會，依家主力拍劇先，做一隻唱片起碼要一年半時間。」

文：影視組