陳庭欣雌雄同體變「男友典範」

藝人陳庭欣（Toby）、何君誠和劉穎鏇（Tiffany）昨日在銅鑼灣為無綫新劇《兄弟》接受西洋拳訓練。雖然Tiffany與教練打到「啪啪聲」兼全身濕晒，但仍然被師姐Toby成功搶鏡，擁有蜜桃胸的Toby熱身時以運動Bra Top大晒線頭，非常養眼。

水上飄驚甩褲

提到Toby在熱播劇《踩過界》中飾演跨性別人士表現亮眼，其故事單元亦於今晚落幕，她感謝觀眾支持：「佢哋話我好靚仔，話想搵個男朋友好似我咁！」提到在劇中「赤膊」買醉，她坦言因日前到斐濟拍攝節目《3日2夜》而未能收看，笑言會逼父母陪她睇多次。講到拍攝《3》的情況，她坦言當地氣溫得十幾廿度，有否凍親蜜桃胸？她笑指每次落水都要有心理準備，又指玩在水上扮「鐵甲奇俠」飛行的Flyboard時勁驚甩褲。

何君誠輕易做到引體上升。	劉穎鏇打起拳來，甚有狠勁。	陳庭欣、何君誠和劉穎鏇齊齊接受西洋拳訓練。

傷舊患捽藥酒

同場的Tiffany雖有運動底子，但之前練拳時亦整傷手腕：「其實舊患嚟，之前打波跌落地跌得唔好所以咁。（要睇醫生？）唔使，其實好咗好多，教練話捽吓藥酒就得。」首次拍劇的她直言非常期待，所以想做足功課迎接挑戰。至於何君誠就表示自己是人生首度練拳，笑謂原因是不愛打交。問緋聞女友劉溫馨會否參演劇集？他尷尬地說：「唔好問呢啲啦，我同其他人仲有好多發展空間嘅！」

文：影視組

攝：黎志輝

化妝及髮型：Phoebe Yung（陳庭欣）

服裝：LAANAA（陳庭欣）