林盛斌5位數買BB用品
藝人林盛斌（Bob）昨日以大使身份出席嬰兒用品展活動，透露同行的太太已準備好購物清單，笑指預計5位數字埋單：「都已經成副身家畀晒佢，太太生仔方面已經好專業，個仔8月尾、9月頭左右出世，但未執走佬袋，話穿羊水先執都未遲。」
對於早前藝人游莨維於網上直播生仔過程被圍插，Bob說：「人哋做法我唔評論，但我唔會咁做，冇咁嘅概念，但會入產房睇住，其實上次帶晒器材入去，但邊得閒，又要捉住佢隻手叫加油，或者到第時有big big big channel，先會影畀自己珍藏。」談到太太因糖尿問題而要每日打數針，Bob呼冤說：「朋友打嚟鬧我，話我太太好大犧牲，叫我唔好對唔住佢，我幾時有呀！」