Celine祝捷有信心再贏
昨日「小巨肺」譚芷昀（Celine）以一身老積打扮現身祝捷會，慶祝直入《全美一叮》的36強，她的父親譚順生疑因早前的負面新聞而避席，童言無忌的Celine直言不覺可惜，又承認父親平日對她很嚴厲。
Celine在最新一集美國才藝節目《全美一叮》（America's Got Talent/AGT）中，成為首位獲評判按下「黃金按鈕」（Golden Buzzer）的華人，直接晉級36強的半準決賽！Celine昨日獲經理人蕭定一（阿一）在港舉行祝捷會，不過9歲的她卻着花花裙及穿上3吋高跟鞋現身，打扮老積，雖然步履尚穩，但為免落樓梯時生意外，除有三名工作人員及司儀「護駕」外，其中一人更索性抱她落台。而是非纏身的Celine爸爸譚順生卻未有現身，似乎是想避風頭。
老竇冇到唔可惜
講到得到「黃金按鈕」時的感受，Celine中英夾雜地回應，表示覺得很驚訝，像奇迹一樣，又指親身參賽開心過睇節目，參賽時亦不覺緊張。之後她與阿一在台上拉綵帶慶祝，更獲阿一送上裝滿開學文具和書包的禮物籃。
受訪時，Celine指不覺粉絲有增加，但阿一指她Facebook的粉絲人數增加了十多倍：「本身萬幾，依家有十四萬。」不過Celine指主要是由爸爸負責管理她的Facebook：「爸爸有時會叫我睇，但我冇用過。（玩Live？）都會嘅，但呢排冇乜時間。（同學仔會搵你簽名？）女仔有，男仔冇乜，佢哋唔信我唱到。」問到Celine爸爸為何沒有來？阿一代答指因活動是臨時決定舉行，而對方早已安排要上堂，所以未能現身。至於Celine可會覺得可惜？她卻擰頭嘟嘴說：「冇乜。」雖然阿一有意為她開慈善演唱會，但事前不知情的Celine就潑冷水說：「冇咁快。」
視Angelica為勁敵
阿一表示若順利的話，Celine仍有三場比賽要參加，又再次強調是由大會揀歌。而Celine表示會積極練歌備戰：「每日練2、3個鐘，睇吓爸爸忙唔忙。」問到爸爸是否很嚴厲？她卻縮一縮膊，表情帶點驚青再說：「少少。」她又提及剛10歲生日的Angelica Hale進入36強，有留意對方演出，認同對方是最大對手，但她對自己很有信心。雖然她經常坐長途機去美國參賽，但她不覺辛苦，反而享受。
文：音樂組
攝：吳文聰