持續高燒多日石詠莉復工容易攰

歌手石詠莉（Sukie）上月因持續發燒搞到留院多日，消瘦不少的她出院休息數天後即為新歌《以前》拍攝MV，日前繼續找來未婚夫鄧健泓（Patrick）操刀，還打友情牌邀得方力申任男主角，身為MV導演的Patrick落手教小方如何搭Sukie膊頭入戲。
方力申擔任石詠莉MV男主角，搞笑「投訴」工時長。
方力申擔任石詠莉MV男主角，搞笑「投訴」工時長。

Sukie表示已康復得七七八八，但仍不時感到疲倦，對於再次以「夫妻檔」上陣，Sukie報喜說：「啱啱收到消息上一隻碟再次攞到IFPI十大唱片銷量獎。」由於Patrick是Sukie的唱片總監，記者即封他為「星級監製」，他說：「唔好咁講，不過一定有滿足感。」另外，方力申投訴好兄弟Patrick說：「我喺內地拍戲只係開10小時工，返嚟幫佢反而由9點拍到夜晚11點，太辛苦喇，不過友情唔講錢。」對於遭父親踢爆收藏不少名畫，方力申搞笑說：「有價冇市o架！（你依家係億萬筍盤？）唔好下下講錢。」

鄧健泓（左起）細心指導未婚妻石詠莉與方力申「談情」。
  • 鄧健泓（左起）細心指導未婚妻石詠莉與方力申「談情」。