對於岑日珈舊屋露台前的枯樹，堪輿學家陳子才表示枯樹代表陰氣及死氣：「如果棵樹係因為年紀大而枯咗，代表有陰靈聚集，而呢棵明顯係比其他冇咁綠同多葉，同埋棵樹驟眼睇好似個人擘大個口，好驚訝咁，所以係唔安寧o架，住喺度嘅人望住佢，精神情緒出現困擾係唔出奇。」
講到岑日珈於屋內放了擺設改善風水，陳子才說：「似係一對石獅子，但問題呢隻獅子太細隻，同埋用玉石做，玉石屬土，木剋土，隻獅子太細隻，根本頂唔住。如果係我會擺對銅製嘅麒麟，同埋要大隻少少，因為銅屬金，金剋木。」而除了擺放用銅製的麒麟化解外，陳子才表示亦可種高身植物、拜神，以及在對正枯樹的有利位置擺放不開蓋葫蘆。