張惠雅抱病開音樂會
歌手張惠雅（Regen）前晚舉行首個個人迷你音樂會，獲湯怡、許靖韻及張子丰等好友來支持，她除了唱幾首自己的歌，也有唱其他歌手的歌。受訪時見她有幾聲咳，原來她病了一個月，她說：「我睇咗好貴醫生，1,600蚊有9日藥，已經好得七七八八。（你讀中醫自己醫番自己？）呢啲真係醫唔到，但讀完呢科知道戒口好緊要。」
昔日HotCha兩位好拍檔未有現身，她解釋張紋嘉身在美國，黎美言去了旅行，問到今年HotCha可會合體開騷？她說：「我哋有開過會，睇吓有冇投資者，希望今年成事，因為係HotCha十周年。」目前是自由身的她今次搞騷一腳踢包辦：「有時會無助同攰，有傾緊公司，但下年想報全日制讀中醫，新公司要接受我讀書都幾難。」