外遊受熱情款待 譚凱琪被拋窒任摸Pat
藝員譚凱琪（Zoie）、朱智賢（Ashley）、歐陽巧瑩、張振朗與何君誠昨日到將軍澳宣傳明珠台節目《浪遊太平洋》，Ashley笑言想到斐濟一遊，而Zoie就想到非洲看動物大遷徙。
朱智賢怕遭人禁錮
兩位靚女為工作經常四圍撲，問到有否艷遇？Zoie笑言：「熱情嘅人有遇過，試過喺西班牙畀人抬起嚟拋！（有冇摸到你敏感部位？）摸到腰同Pat，我驚佢哋唔接住我多啲！」而Ashley笑言看過一些有拐帶情節的電影後，最怕遇上變態佬：「擔心畀人禁錮十幾年多啲！」
張振朗撐枱腳慶生
同場的張振朗於本月20日迎接30歲，講到是成家立室的年紀，他笑言：「兒女私情擺第二。（女友陳芷尤聽到咪好唔開心？）係好朋友，有溝通。（有冇幫你慶祝生日？）佢去咗新加坡拍戲，食餐飯咁囉，有兩個人食。」記者繼續追問緋聞女友陳芷尤，振朗即顯得招架不住頻頻抹汗，講到二人被揭蜜遊荷蘭，有否機會突然在外地閃婚？他笑說：「都有機會o架！」
文：影視組