為何雁詩傷痕解畫 鄭俊弘有工開冇被雪唔Mind女友黐仔

藝人Fred與唐詩詠出席《ALBION健康水美麗傳奇》活動，已一段時間沒露面的Fred表示因忙錄碟，同時否認被「雪藏」。講到女友何雁詩上載相片到社交平台，令手上疑似自殘的疤痕曝光，他說：「呢啲唔係真嘅嘢。（唔係(界)手？）梗係唔係，唔係痕嚟。」講到何雁詩手上明顯有兩條痕，他即牽強幫女友解畫：「我諗係影嚟，係燈光問題，攝影嘅嘢我唔太清楚。（見到佢隻手有膠布？）冇留意。」他又表示不擔心女友有自殺或自殘傾向。而提到日前何雁詩被影到畀男仔拖手，Fred表示認識該男士，知道他們是中學同學，故不會呷醋。

唐詩詠指舊愛難以形容

同場的唐詩詠表示除了用護膚品外，亦會煲湯水飲，笑言因為太Dry，故要內外進補。問到準備展開新戀情未？她說：「好難講，慢慢，要睇係咪真係遇到嗰個人，但依家冇諗。」講到擇偶條件，她揚言最講求Feel：「當真係遇到鍾意嘅人唔會諗咩條件，愛情係好奇怪。」

講到日前與舊愛洪永城合照表現尷尬，詩詠表示經常在TVB見到對方，當日在後台亦有談天，故沒有尷尬。提到洪永城仍很關心她，問到可有機會復合？她即說：「嘩，呢啲冇諗。（機會大唔大？）冇得咁講，未來嘅嘢未發生，順其自然。」至於現時對洪永城有甚麼Feel？她說：「呢個Feel好難用詞語去形容，希望佢好好，在心中。」

唐詩詠與鄭俊弘即場分享護膚心得。

鄭俊弘指何雁詩手上的傷痕只是攝影燈光問題。

文：音樂組

攝：吳文聰