馬國明自拍 心穎嫌渣
馬國明昨日出席活動時，與台上的卡通人物擺設玩Selfie（自拍）時動作生硬。他受訪時表示平日甚少自拍，問有否與緋聞女友黃心穎自拍？他表示有，卻遭對方嫌棄其拍攝技術：「佢話我揸機好渣，成日撳唔到個掣，要練多啲。」
提到日前被本報拍得與女方食飯兼睇戲，剛從內地拍攝劇集《宮心計2深宮計》回來的他說：「拍完返嚟第一次食飯，記者好似捕咗心穎屋企成個星期咁，咁都影到！」又指自己最近忙於搬屋，問到是否與女方同居？他否認：「我同爹哋、媽咪和家姐住。（預間房畀心穎？）冇咁多間房。（買大床？）冇呀，佢都買咗屋啦！（會否同居？）唔知，要睇感情。（感情穩定會同居試婚？）唔係好識呢個名詞，試得唔好係咪唔結？男仔咪好着數？我唔係拍散拖，要了解清楚兩個人點相處先，所以成日同大家講了解中。」