佘詩曼主演的劇集，前晚播出她目擊好姊妹高海寧慘死，演技大爆發！最勁是拍這場戲時其中一部攝影機故障，阿佘重頭再拍第二Take，演繹依然完美！
佘詩曼戲路向來多元化，屬好戲之人，演慘情喊戲能觸動觀眾睇到入心入肺。前晚劇集《賭城群英會》中，劇情交代何浩文為報仇迎娶麥明詩，麥明詩的爺爺劉兆銘怕高海寧（高Ling）破壞婚禮，吩咐手下追殺她，以致高Ling被掟落樓慘死。
劇中好姊妹阿佘目擊後情緒失控，由驚愕、發呆、不能夠接受及至流淚再崩潰爆喊，分多個層次演繹，網民紛紛留言激讚。
高Ling受訪時坦言拍這場戲時感到震撼，眼見代替自己的假人公仔跌下來都嚇親！她亦大爆拍攝時阿佘一秒入戲，話喊就喊，一take搞掂，極具感染力。惟當時其中一部攝影機有問題，阿佘要抹乾眼淚再拍第二Take，仍完美完成，令高Ling相當佩服。
而阿佘昨日受訪時則坦言記得拍攝出現技術問題：「但當時冇考究發生乜事，因為拍呢場戲要集中專注情緒，每次拍咁沉重嘅戲都好緊張。」又大讚高Ling帶自己入戲：「有一場講高Ling畀何浩文飛咗，之後我安慰佢，佢做得好好、進步好大。佢係好努力嘅演員，為一場着泳衣戲份，積極減肥減成兩個月，毅力值得讚賞。」
文：影視組