母女一齊病 薛家燕流感咳到心痛

藝員薛家燕前晚現身劇集慰勞宴,拍攝期間適逢流感高峰期,她亦不幸病倒:「中咗流感,咳到心都痛埋,瞓唔到,打咗流感針同開聲針就返劇組,監製叫我休息,都停咗兩組戲、抖咗三日,我都唔知流感咁危險,以為自己頂得順,當時仲度緊期上郵輪演出。(聲沙仲唱歌?)沙聲佢哋都畀掌聲我o架!結果都瘦咗5、6磅。」

家燕姐又指囡囡石祐珊亦不慎病倒,更瞞住她,令她大為緊張:「個女入咗院,仲要唔畀我知!我返到屋企唔見佢,個工人話:『你唔知珊珊入咗院?』我先知!醫生話佢係過勞,除咗幫我接廣告,仲幫我跟緊啲課程。」