李國麟親嘴捱轟囡囡反擊網民：低俗可笑
綠葉演員李國麟日前上載數張為女兒李沅薐慶生照片，其中一張兩父女溫馨親嘴的照片，引來部分內地網民斥責他或會令女兒性早熟，又形容二人親吻「變態」！李國麟對此一笑置之，更表明同樣會錫80多歲的母親。
萬人迷碧咸（David Beckham）今年6月上載一張親吻女兒夏柏舒芬的照片，竟被網民指他「有點變態」即引起熱話，怎料連李國麟也中槍！上周五（21日）李國麟於微博上載親吻15歲生日的女兒李沅薐（Cherie）的照片，並留言：「昨日囡囡生日，好開心！」畫面溫馨，豈料跟碧咸一樣惹來抨擊，被內地網民直斥「變態」，指他此舉可能令女兒性早熟，甚至留言：「子大避母，女大避父。」但亦有大批網民力撐李國麟，指他愛錫女兒，舉動正常。
教女發放正能量
昨日跟家人在澳門遊玩的李國麟接受電話訪問時，透露女兒放完暑假便升讀中四：「個女由BB開始，已經係呢種溝通方法，當日同太太、個女一齊食飯，吹蠟燭時，個女主動話要錫錫，咁我可以點呀？」他坦言沒想過回響這麼大，他說：「世上唔同人有唔同感受，唔會影響父女相處，我今年62歲，媽咪80幾歲，我都係咁錫佢，有人問我，我咪話：『媽咪係用嚟錫，唔通用嚟打咩？』」又指女兒沒因此而尷尬：「佢有問我咩事，我趁機同佢上一課，人哋要發放負能量都冇計，我哋要發放正能量。」
Cherie事後在微博發文表示失望，本想跟大家分享美妙一刻：「沒有奢求過大家祝福，但沒想過引來這麼多唾罵。女兒親爸爸是傳達愛意的舉動，在我眼裏，看見滿屏是父愛，在你們眼裏卻想到亂倫。一個發自親情的吻被人們說得如此低俗，真的感到可笑。」
文：專案組