王君馨新劇咀阿廉老公(興)到爆粗

無綫劇集《超時空男臣》上周首播，跨平台總收視錄得24.5點（逾159萬觀眾收看）。劇中演員蕭正楠（Edwin）、王君馨（Grace）、曹永廉（阿廉）等昨日為劇集宣傳，Grace透露老公Daniel當晚首次收看該劇。談到她與阿廉咀嘴一幕，她即自爆老公睇到眼火爆，即時講英文粗口，還問阿廉是誰。

蕭正楠煽風點火

身邊的Edwin即說：「畀我見到自己鍾意嘅人錫阿廉，我都講粗口啦！可能仲多字，有七個字。所以佢已經算保守、好有禮貌同修養。（如果女友黃翠如與阿廉拍劇時有咀戲呢？）我叫佢推咗套戲添呀！真係接受唔到。」而阿廉亦表示不敢接。

問到如劇集一直有好收視會如何慶祝？Edwin說：「你（Grace）同阿廉再咀，如果尋（前）晚收視好，即係觀眾鍾意睇你哋咀。」Grace亦笑說：「我驚佢（阿廉）有生命危險，老公認得佢個樣。」而阿廉則表示太太不在港故未收看，笑言對方看後或會更生氣。對於Grace老公看到二人劇中咀嘴而眼火爆，阿廉說：「Grace拍床上戲時咪唔好畀佢見到？」又透露稍後將與何廣沛有咀戲，問到是否比咀王君馨安全？他笑說：「唔安全呀！幾廿歲轉性（取向）就無謂啦！」

蕭正楠與曹永廉兄弟相擁「基」味濃。

劇中一眾演員與觀眾開心玩遊戲。

同場的吳業坤透露現時體重176磅，目標減到170磅。他坦言不接受打Botox，希望用天然方法減肥。

文：影視組