34D陳嘉儀沙灘晒咪蟲蟲陪瞓
書展寫真戰經已結束，34D索爆o靚模陳嘉儀不與其他對手正面交「峰」，自信擁有大批海外粉絲撐場，下月才推出寫真一樣夠殺！遠赴日本拍攝的她貫徹超性感形象，不但冒死在懸崖邊取景，又瞓珊瑚石與蟲蟲為伍，驚到腳震！
擁有34D火辣身材的陳嘉儀（Tracy），有多年Model經驗，經常放噴血相上網，兼曾到台灣拍寫真，儲落大批Fans，每張相都有逾千Like，網上人氣甚高，早前她到日本沖繩拍寫真，並於下月面世。Tracy今次去了沖繩一般人較少旅遊的地方，包括絲滿市名城、國頭郡恩納村及讀谷村座喜味等，談到性感尺度，她揚言一定去到盡，Fans不用擔心！除了必有的泳衣及內衣Look，她又在沙灘裸背晒Hot爆身材，亦有不少絕密噴血相，她又挑戰平日較少嘗試的造型，包括可愛、鄰家少女及日本風。
崖邊取景喊驚
其中一輯照片中，她身處懸崖邊，鏡頭前一臉享受自在，但其實心驚膽戰，她說：「我本身有畏高，企懸崖邊嗰陣個身不斷向前傾，全靠助手捉住我對腳，但都驚到不停腳震！另外一輯相我瞓喺珊瑚石上，扮到好歎咁，其實成個背脊刮損晒，地下又有蟲，好驚o架！」
問會否覺得書展過後才出寫真太遲？Tracy認為各有各做，不覺得輸蝕：「我唔想分豬肉咁，希望畀人認真感覺，成件事搞靚晒先推出。而且我做咗Model唔短時間，海外都有Fans，會上網發售畀台灣、新加坡、美國Fans。」
文：影視組