胡定欣貼身保鏢陪展鵬泡泡浴

由陳展鵬、胡定欣主演的無綫劇集《城寨英雄》，去年播出後成績、口碑俱佳，更令二人齊奪視帝、視后獎項。而由二人及《城寨》班底合作的重頭劇《同盟》將於八月七日首播，精彩的預告片日前亦率先曝光，片段中除了展鵬及定欣外，更有陳山聰、姚子羚及鮑起靜（鮑姐），統統打得，型到爆燈。監製文偉鴻受訪時表示此劇是「零鹽花」，沒有小朋友不可看的內容。縱使「零鹽花」，但預告片中仍有令人想入非非的鏡頭！

身體語言動作勁瘋狂

定欣於劇中飾演展鵬身邊的女保鏢，雖有超強身手，卻是搞笑保鏢，可說是「女版孟波」。而定欣與展鵬間有不少搞笑場口，當中展鵬會赤裸上身搽晒油示人，亦有定欣360度旋轉上展鵬膊頭，更有一幕定欣光脫脫和展鵬浸泡泡浴的戲份。

展鵬昨日接受訪問時說：「我同定欣互相鬥氣、整蠱同埋鴛鴦戲水嘅戲份，一定畀到大家開心喜感，我哋都做咗啲身體語言動作，都幾瘋狂，定欣好勁，佢體能好fit！拍之前大家都有去操練以應付呢個劇。」

緋聞女友怕曬唔戲水

至於展鵬緋聞女友單文柔昨日受訪時坦言有看預告片，更指好吸引。問看鴛鴦戲水戲份會否呷醋時，她反問：「點解會呷醋？我反而覺得佢哋好合拍、好襯，自己都好欣賞定欣，佢哋係專業演員，有呢啲鏡頭在所難免。（到時播會否避睇？）唔會，會由頭睇到尾！」問有否跟展鵬去戲水時，她指很少游水，因怕曬！

文：影視組