胡定欣澳洲搵艷遇
無綫花旦胡定欣昨日為維特健靈拍攝新一輯廣告，連續五年成為代言人的她最近第三度續約，問到可有加人工？她笑說：「少少梗有，同步成長嘛。品牌睇住我成長，希望同品牌一齊成為大家心目中嘅No.1！」又讚品牌不斷送產品給她保養，並惠及其家人、朋友，故希望成為永久代言人，慳番一筆。
定欣最近完成無綫重頭劇《宮心計2深宮計》的拍攝正在休假，但自嘲身體大不如前：「依家拍嘅時間都幾長，年紀大咗，身體唔同以前，真係要保養先頂得住啲通告。（公司唔夠演員？）唔係，為咗有好劇就要付出。」
定欣又透露稍後希望孭背囊獨自旅行，問到會否因此少與「胡說八道會」姊妹聚會？她說：「唔係少，係佢哋趁我唔得閒就聚會，所以咪話佢哋排斥我囉，哈哈。但嚟緊29日胡說八道會就會出發去澳洲拍攝旅遊特輯。（黃智雯同姚子羚好事近？）冇親耳聽佢哋講過，都希望佢哋快啲結婚，等我喺呢個旅程哦吓佢哋。（你有冇人追？）等待緊，艷遇要睇呢個Trip，會去酒吧拍嘢，傾吓擇偶條件。」