關楚耀裸跑嗌爽！

藝人關楚耀及胡諾言（胡仔）昨日到鑽石山拍攝無綫新劇《特技人》，關楚耀穿肉色短褲拍攝裸跑戲，他說：「爽呀！原來裸跑真係釋放到壓力！（打咗幾層底？）冇，就咁着條蝦肉色褲咋！劇情講我累胡仔記大過，裸跑向佢道歉，我讀書時試過帶成人書，真係累到同學被罰，我為賠罪送多本畀佢！胡仔過幾日都會裸跑，佢跑開步嘅，話時話佢可以考慮代表香港出賽裸跑，選手號碼169！」
關楚耀裸跑釋放壓力，爽呀！
關楚耀裸跑釋放壓力，爽呀！

胡仔說：「我跑開步，但唔係裸跑！過幾日到我裸跑，講我哋大個咗，到我激嬲佢，向佢道歉。（劇集出街會同仔女睇裸跑戲？）劇情係講友誼，好正能量，冇問題！睇嘅時候會同佢哋講解，小朋友識得分析！」

關楚耀叫胡諾言（左）代表香港出賽裸跑。
  • 關楚耀叫胡諾言（左）代表香港出賽裸跑。