黃智雯見盡花招求婚切忌「誇」
黃智雯於新網劇中與張兆輝談情上演求婚戲，她大讚張兆輝這種成熟型男是她喜歡的類型，又讚他拍打戲時勁如Superman。講到現實的求婚，黃智雯卻不求浪漫，指平平淡淡就滿足。
藝人張兆輝與黃智雯日前為邵氏網劇《飛虎極戰》拍攝一場求婚戲，二人於天橋上拖手談情，之後張兆輝拿出戒指求婚，繼而相擁起來，相當甜蜜。張兆輝笑言拍此劇至今只見了智雯三、四天，劇情進展得好快，但大呻沒有親熱戲份。
不求浪漫
智雯大讚張兆輝成熟有型，現實生活中自己都喜歡這類型，可以保護到自己。問到夢想的求婚情景？智雯笑言不求浪漫：「我拍過好多次求婚戲，層出不窮嘅求婚橋段都遇過，拉Banner都試埋，反而覺得唔真實，兩個人平淡啲好，甜蜜回憶Timing好緊要。（男友求婚未？）未！（未計劃結婚？）未特別去諗，將來結婚都唔會好鋪張。」
Man爆護花
問到張兆輝當年向太太求婚時是否很平淡？他說：「有好多人都鍾意甜蜜式求婚，我當年都算係喺唔想做嘢之中做咗啲嘢，喺一間餐廳入面求婚，攞隻戒指出嚟嗰時都好似拍戲咁！」
此外，二人當日亦拍攝一場被多位彪形大漢追逐戲，期間張兆輝身手了得，儼如Superman般打橫抬住大漢，連智雯都連聲讚他勁！
文：影視組