陳凱琳學整雞餵飽鄭嘉穎

前港姐陳凱琳（Grace）昨日出席KFC活動，穿上金色低V連身裙谷胸上陣，非常吸睛！對於男友鄭嘉穎亦有為食店效力，Grace笑言歡迎客戶下次找他們情侶檔現身。問到是否樂於情侶檔出騷？Grace說：「都開心，希望將來多啲機會合作。（想一齊做咩產品活動？）冇所謂，最重要係正面，其實上次合作拍電視劇《殭》，嘉穎係同謝安琪一對，朋友就話如果我同嘉穎演情侶會更加Sweet，但世事係冇咁完美，過程開心就得。」
陳凱琳低胸現身，吸睛度十足。
陳凱琳低胸現身，吸睛度十足。

Grace又說在內地工作的嘉穎於昨日返港，故有意學整雞的菜式給男友食，她說：「佢又係生肖屬雞，覺得好啱。（叫佢食自己？）我唔會咁諗，係心意嚟嘅。」下月是嘉穎的生日，Grace表示暫時未知送甚麼禮物。

鄭嘉穎最愛吃雞，陳凱琳要學整雞菜式氹他。
  • 鄭嘉穎最愛吃雞，陳凱琳要學整雞菜式氹他。