張沛樂扮狗報恩陳偉琪啜雪條挑逗
書展寫真戰今日完結，接力的動漫節於周五開始，繼續有大批索女「胸」降搶灘！當中一個VR虛擬女友遊戲出動宅男女神「沙律」張沛樂、簡淑兒及陳偉琪陪玩家拍拖，眾女以第一視界冧仔，沙律晒33E玩「狗之報恩」，陳偉琪啜雪條挑逗，而簡淑兒則扮女僕賣萌。
動漫節即將開鑼，有遊戲商使出絕招，推出「VR旅友」遊戲，玩家只要下載遊戲再戴上VR眼鏡，就可與幾位宅男女神「沙律」張沛樂、簡淑兒（Jessica）、陳偉琪（Vicky）及索爆Model楊舒婷（Sadelle）旅行「拍拖」，玩法似足育成遊戲（玩家模擬培育遊戲）透過選擇識女仔！沙律及Vicky分別穿泳衣晒E Cup導彈炸爆鏡頭！
胯下搵骨頭
沙律的故事令人充滿遐想，大玩「狗之報恩」，她由狗變人報答男恩人，陪玩陪食陪游水，強晒33E胸器擺出一副無辜樣，伏在男主人胯下問：「做咩收埋條骨頭？」令人想入非非！Vicky一樣唔嘢小，她扮演玩家的女同事到日本公幹，孤男寡女禁室培慾，其中一場玩家幻想戲，Vicky對鏡頭啜雪條再講挑逗說話，勢令玩家腦充血！
沙律受訪時表示一個人對鏡頭做戲挑戰甚大，要以天真表情說出「重口味」說話，最難是忍笑：「有啲挑逗男主角嘅對白其實幾搞笑，但我哋由早拍到晚冇停過，為趕進度冇人笑，好期待睇番製成品，角色性格同我好唔同，希望大家唔好打我。」Vicky表示故事有喊戲，很高興有機會發揮演技，至於挑逗戲份，她說：「開頭有啲尷尬，但要演好角色就要豁出去！我覺得個Game唔係賣弄性感，裏面有人與人之間相處哲學，教到大家點同鍾意嘅女仔溝通。」
簡淑兒女僕誘惑
擁「腰果眼」甜到漏的Jessica陪遊日本玩制服誘惑，先後換上女僕裝、和服及扮兔女郎，扮女僕時撩玩家唸咒語，又當正對方是主人般服侍，令玩家賓至如歸，Jessica說：「最難係要高音扮可愛，我當係喺童話世界氹小朋友咁，之後覺得幾好玩，做到幾有滿足感呀！」至於有「高瘦版阿嬌」之稱的Sadelle與玩家同遊泰國，齊齊練泰拳兼遊市集，亦有泳衣Look晒勻稱身材，她表示今次首次以泳裝出鏡，心情緊張。
文：影視組